 مصنوعی ذہانت اور سوشل میڈیا پر نفرت انگیز بیانیہ:
نیویارک یونیورسٹی میں رابطہ عالم اسلامی کے سیکرٹری جنرل کا خصوصی خطاب اور جامع مکالمہ
نیویارک:
نیویارک یونیورسٹی نے رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی کو ایک خصوصی علمی نشست میں مدعو کیا، جہاں انہوں نے ایک تفصیلی خطاب کیا، جس کے بعد جامع مکالمے کا انعقاد ہوا۔ اس نشست میں یونیورسٹی کے ممتاز ماہرینِ تعلیم اور دیگر مدعو شخصیات نے شرکت کی۔
اس نشست میں سوشل میڈیا پلیٹ فارمز پر نفرت انگیز بیانیے کو فروغ دینے میں مصنوعی ذہانت (AI) کے استعمال سے متعلق مختلف پہلوؤں پر تبادلہ خیال کیا گیا۔ اس کے ساتھ ہی سماجی اداروں کے مشترکہ کردار اور اس بیانیے کے سدباب میں مذہبی قیادت کے کلیدی کردار کو اجاگر کیا گیا، بالخصوص اسباب کے تجزیے اور ان کے تدارک کے حوالے سے۔ عزت مآب نے جامع سروے اور مطالعات کی روشنی میں ان اسباب کی مختلف صورتوں اور علاج کے لیے مجوزہ ماڈلز کا جائزہ پیش کیا۔
نیز اس تقریب میں موضوع سے متعلق نمایاں چیلنجز، مواقع، تجربات اور تجاویز پر بحث کی گئی، اس دوران مصنوعی ذہانت کی ٹیکنالوجی کے ذریعے خودکار طور پر ایسے متن، تصاویر یا ویڈیوز کو تیار کرنے کے عمل پر روشنی ڈالی گئی جن میں بعض اوقات امتیازی یا اشتعال انگیز مضامین شامل ہوسکتے ہیں۔ اسی طرح الگورتھم ہدف بندی کے مسئلے پربھی گفتگو ہوئی جس کے تحت صارفین کے رویوں اور دلچسپیوں کا تجزیہ کرکے تقسیم، اشتعال اور گروہ بندی پیدا کرنے والا مواد مخصوص طبقات تک پہنچایا جاتا ہے تاکہ زیادہ سے زیادہ ردِعمل حاصل کیا جا سکے۔
نشست میں بوٹس اور منظم نیٹ ورکس کے ذریعے مواد کی ڈیجیٹل تشہیر کے مسئلے پر بھی روشنی ڈالی گئی، جو نفرت انگیز بیانیے اور گمراہ کن معلومات کے پھیلاؤ میں معاون ثابت ہوتے ہیں۔ نیز، "ڈیپ فیک" (Deepfake) ٹیکنالوجی کا استعمال کرتے ہوئے سمعی وبصری مواد میں ردو بدل، جسے افراد یا گروہوں کی ساکھ کو نقصان پہنچانے اور ان کے خلاف دشمنی کو ہوا دینے کے لیے استعمال کیا جا سکتا ہے، اور ڈیجیٹل سفارشاتی الگورتھم کے ذریعے اشتعال انگیز یا انتہا پسندانہ مواد کو ملنے والی تقویت پر بھی بات کی گئی جو کہ ان پر ملنے والے زیادہ ردِعمل کا نتیجہ ہوتا ہے۔
اس پر تبصرہ کرتے ہوئے عزت مآب نے فرمایا: نفرت انگیز بیانیے کو تقویت دینے میں مصنوعی ذہانت کا استعمال ایک دقیق قانونی تجزیے کا متقاضی ہے؛ جس کا مقصد آزادیِ اظہار کے جائز دائرے کے تحفظ اور معاشرے کو اشتعال انگیز مواد سے بچانے کے درمیان توازن قائم کرنا ہے، ساتھ ہی اس میں ڈیجیٹل اداروں اور ٹیکنالوجی پلیٹ فارمز کی قانونی ذمہ داریوں کا تعین بھی شامل ہے۔
گزشتہاگلا
سنیچر, 16 May 2026 - 09:59 -
[](https://www.addtoany.com/share#url=https%3A%2F%2Fmail.themwl.org%2Fur%2Fnode%2F41489&title=%D9%85%D8%B5%D9%86%D9%88%D8%B9%DB%8C%20%D8%B0%DB%81%D8%A7%D9%86%D8%AA%20%D8%A7%D9%88%D8%B1%20%D8%B3%D9%88%D8%B4%D9%84%20%D9%85%DB%8C%DA%88%DB%8C%D8%A7%20%D9%BE%D8%B1%20%D9%86%D9%81%D8%B1%D8%AA%20%D8%A7%D9%86%DA%AF%DB%8C%D8%B2%20%D8%A8%DB%8C%D8%A7%D9%86%DB%8C%DB%81%3A%20%20%D9%86%DB%8C%D9%88%DB%8C%D8%A7%D8%B1%DA%A9%20%DB%8C%D9%88%D9%86%DB%8C%D9%88%D8%B1%D8%B3%D9%B9%DB%8C%20%D9%85%DB%8C%DA%BA%20%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%92%20%D8%B3%DB%8C%DA%A9%D8%B1%D9%B9%D8%B1%DB%8C%20%D8%AC%D9%86%D8%B1%D9%84%20%DA%A9%D8%A7%20%D8%AE%D8%B5%D9%88%D8%B5%DB%8C%20%D8%AE%D8%B7%D8%A7%D8%A8%20%D8%A7%D9%88%D8%B1%20%D8%AC%D8%A7%D9%85%D8%B9%20%D9%85%DA%A9%D8%A7%D9%84%D9%85%DB%81)