بیلجیئم کی وزارتِ خارجہ میں رابطہ عالم اسلامی کے سیکرٹری جنرل کے ساتھ مکالمے کا انعقاد
بیلجیئم کی وزارتِ خارجہ میں رابطہ عالم اسلامی کے سیکرٹری جنرل کے ساتھ مکالمے کا انعقاد
برسلز: بیلجیئم کی وزارتِ خارجہ نے دارالحکومت برسلز کے ایگمونٹ پیلس میں رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی کے ساتھ ’’بدلتی دنیا میں مکالمے کی اہمیت‘‘ کے عنوان سے ایک وسیع مکالمے کی میزبانی کی۔ اس موقع پر متعدد وزارتی اور پارلیمانی شخصیات، یورپی حکومتوں کے نمائندے، اعلیٰ مذہبی قیادت، نیز بین الاقوامی تنظیموں، جامعات اور سول سوسائٹی کے ماہرین شریک تھے۔
مکالمے اور اس کے بعد ہونے والی گفتگو میں عالمی سطح پر رونما ہونے والی تبدیلیوں اور پیش رفت کے تناظر میں متعدد ایسے موضوعات پر تبادلہ خیال کیا گیا، جن کا تعلق رابطہ عالم اسلامی کے پیغام اور اہداف کے مطابق اس کی ترجیحات سے ہے۔
اسی تناظر میں سیکرٹری جنرل رابطہ کی بیلجیئم کے نائب وزیرِ اعظم، وزیرِ خارجہ، یورپی امور اور ترقیاتی تعاون جناب میکسم پریوو سے بھی ملاقات ہوئی، جنہوں نے ڈاکٹر محمد العیسی کے ساتھ بین الاقوامی مکالمے کے آغاز سے قبل ایگمونٹ پیلس میں ان کا خیرمقدم کیا۔
