گزشتہ شام برطانوی دارالحکومت لندن میں:
سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے برطانیہ بھر کی اسلامی دینی قیادتوں سے ملاقات کی، جس میں متعدد ممتاز کاروباری شخصیات بھی شریک تھیں۔
ملاقات میں اُن مختلف موضوعات پر گفتگو ہوئی جو غیر اسلامی ممالک میں مسلم کمیونٹیز کو درپیش مسائل اور اُن کے حوالے سے اسلامی تہذیبی و فکری مؤقف سے متعلق ہیں۔
آپ نے برطانیہ کے مسلمانوں کے اُس نمایاں کردار کو سراہا جو وہ بقائے باہمی اور معاشرتی ہم آہنگی کے فروغ میں ادا کر رہے ہیں، اور فرمایا: “رابطہ عالم اسلامی کی جانب سے ہمیں اس امتیازی نمونے پر فخر ہے، جو اسلامی تہذیب کی اعلیٰ اقدار اور مسلمانوں کے شعورِ شہریت اور قومی یکجہتی کے فہم کی عملی ترجمانی کرتا ہے۔”
اس موقع پر شرکاء نے دنیا بھر میں رابطہ عالم اسلامی کے مثبت اور نمایاں کردار کو سراہتے ہوئے اس کی اہم عالمی کاوشوں اور ممتاز بین الاقوامی ساکھ پر اپنے اعتزاز کا اظہار کیا۔
انہوں نے رابطہ کی اُن منفرد اور مسلسل کوششوں کو بھی خراجِ تحسین پیش کیا جو انتہاپسندی کے تمام نظریاتی مظاہر کے مقابلے میں دینِ اسلام کی حقیقی تصویر کو اجاگر کرنے کے لیے کی جا رہی ہیں، بالخصوص اس متوازن اور حکیمانہ اسلوب کو، جس نے رابطہ کو ہر طبقے کے احترام اور اعتماد کا مرکز بنا دیا ہے۔
شرکاء نے اقوامِ متحدہ کی جنرل اسمبلی کی جانب سے سیکرٹری جنرل رابطہ، شیخ ڈاکٹر محمد العیسی کو اسلاموفوبیا کے انسداد کے عالمی دن کی پہلی اقوامِ متحدہ کی تقریب میں پوری امتِ مسلمہ کی نمائندگی کرتے ہوئے، بالمشافہ اور خصوصی خطاب کے لیے منتخب کیے جانے کو بھی سراہا۔
اسی طرح انہوں نے ورلڈ اکنامک فورم “ڈاووس” میں مذہبی حیثیت سے پہلی مرتبہ اسلامی نمائندگی انجام دینے میں آپ کے کردار اور خدمات کو بھی بھرپور انداز میں خراجِ تحسین پیش کیا۔
