رابطہ عالم اسلامی نے مشرقی افغانستان میں آنے والے زلزلے کے نتیجے میں جاں بحق اور زخمی افراد کے لواحقین اور پورے افغان عوام کے ساتھ دلی تعزیت اور ہمدردی کا اظہار کیا ہے۔

تعزیت
مکہ مکرمہ

رابطہ عالم اسلامی نے مشرقی افغانستان میں آنے والے زلزلے کے نتیجے میں جاں بحق اور زخمی افراد کے لواحقین اور پورے افغان عوام کے ساتھ دلی تعزیت اور ہمدردی کا اظہار کیا ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے مرحومین کے اہل خانہ اور مجموعی طور پر افغان عوام کے ساتھ رابطہ کی جانب سے   یکجہتی اور ہمدردی کا اظہار کیا۔ انہوں نے دعا کی کہ اللہ تعالیٰ جاں بحق افراد کو  اپنی وسیع رحمت میں ڈھانپ لے،انہیں جنت الفردوس میں اعلیٰ مقام عطا فرمائے، زخمیوں کو جلد صحت یاب فرمائے اور افغانستان اور اس کے عوام کو ہر طرح کے شر اور مصیبت سے محفوظ رکھے۔