رابطہ عالم اسلامی کی جانب سے شمالی کردفان میں عالمی غذائی پروگرام کے امدادی قافلے پر حملے کی شدید مذمت

رابطہ عالم اسلامی کی جانب سے شمالی کردفان میں عالمی غذائی پروگرام کے  امدادی قافلے پر حملے کی شدید مذمت
مکہ مکرمہ:

رابطہ عالم اسلامی نے جمہوریہ سوڈان کے علاقے شمالی کردفان میں ”ریپڈ سپورٹ فورسز“ کی جانب سے عالمی غذائی پروگرام کے امدادی قافلے کو نشانہ بنانے کے واقعے کی سخت ترین الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی نے اس مجرمانہ اور شرمناک اقدام کی شدید مذمت کرتے ہوئے کہا کہ یہ کاروائی تمام مذہبی اقدار اور بین الاقوامی وانسانی قوانین اور روایات کی سنگین خلاف ورزی ہے۔
ڈاکٹر العیسی نے رابطہ اور اس کی چھتری تلے موجود تمام مسلم اقوام کے اس اصولی موقف کا اعادہ کیا جو عام شہریوں، امدادی تنظیموں اور ان کے کارکنوں کو نشانہ بنانے کے عمل کو یکسر مسترد کرتے ہوئے اس کی شدید مذمت کرتے ہیں۔ انہوں نے شہریوں کے تحفظ سے متعلق” جدہ اعلاميہ“ کے مندرجات اور متعلقہ بین الاقوامی قوانین کی پاسداری کرنے، اور سوڈان میں عام شہریوں تک امداد کی رسائی کے لیے امدادی راہداریوں کی سلامتی یقینی بنانے کی ضرورت پر زور دیا۔