رابطہ عالم اسلامی کی جانب سے متحدہ عرب امارات، قطر اور کویت پر حملوں کی شدید مذمت

رابطہ عالم اسلامی کی جانب سے متحدہ عرب امارات، قطر اور کویت پر حملوں کی شدید مذمت

مکہ مکرمہ:

رابطہ عالم اسلامی نے متحدہ عرب امارات، ریاستِ قطر اور ریاستِ کویت پر ہونے والے حملوں کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان بزدلانہ حملوں کی مذمت کرتے ہوئے کہا کہ یہ اقدامات تمام دینی اقدار، اور بین الاقوامی و انسانی قوانین اور روایات کی صریح خلاف ورزی ہیں۔انہوں نے اس امر پر زور دیا کہ رابطہ عالم اسلامی متحدہ عرب امارات، قطر اور کویت کے ساتھ مکمل یکجہتی کا اظہار کرتا ہے، اور ان تمام اقدامات کی حمایت کرتا ہے جو ان ممالک کے امن، خودمختاری اور استحکام کے تحفظ کے لیے اختیار کیے جائیں۔