رابطہ عالم اسلامی کی جانب سے سان ڈیاگو اسلامک سینٹر پر ہونے والے ہولناک حملے کی شدید مذمت

رابطہ عالم اسلامی کی جانب سے سان ڈیاگو اسلامک سینٹر پر ہونے والے ہولناک حملے کی شدید مذمت

مکہ مکرمہ:
رابطہ عالم اسلامی نے امریکی ریاست کیلیفورنیا میں واقع  سان ڈیاگو اسلامک سینٹر پر فائرنگ کے ہولناک واقعے کی سخت ترین الفاظ میں مذمت کی ہے۔

رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس لرزہ خیز جرم کی شدید مذمت کرتے ہوئے ایک بار پھر اس امر پر زور دیا کہ رابطہ عالم اسلامی پُرامن شہریوں کو خوف زدہ کرنے، نمازیوں اور عبادت گاہوں کو نشانہ بنانے، نیز ہر قسم کے تشدد اور دہشت گردی کو قطعی طور پر مسترد اور قابلِ مذمت سمجھتی ہے۔انہوں نے مزید کہا کہ نفرت پر مبنی نظریات، ان کا اشتعال انگیز بیانیہ، اور مختلف مذاہب، نسلوں اور ثقافتوں کے ماننے والوں کے خلاف اختیار کی جانے والی متعصبانہ روشیں ہی ایسے جرائم اور پرتشدد رویّوں کو جنم دیتی ہیں۔

ڈاکٹر العیسی نے متاثرہ خاندانوں کے ساتھ رابطہ عالم اسلامی کی مکمل یکجہتی اور گہری ہمدردی کا اظہار کرتے ہوئے دعا کی کہ اللہ تعالیٰ جاں بحق افراد کو اپنی وسیع رحمت میں جگہ عطا فرمائے اور انہیں جنت الفردوس میں اعلیٰ مقام نصیب کرے۔